ಮೈಕಲ್ ಜಾಕ್ಸನ್ (August 29, 1958 – June 25, ೨೦೦೯)- ನಾ ಕ೦ಡ ಅತ್ಯದ್ಭುತ ಪ್ರತಿಭೆಗಳಲ್ಲಿ ಒಬ್ಬ. ಅಂಥ ದೊಡ್ಡ ಕಲೆಯ ಒರತೆಯಲ್ಲಿ ನಯ-ವಿನಯಕ್ಕೆ ಚೂರೂ ಕೊರತೆಯಿರಲಿಲ್ಲ... ಅವನನ್ನು ಏಕವಚನದಿ೦ದ ಕರೆಯುವಷ್ಟು ಹತ್ತಿರದವನಾಗಿದ್ದ ನೃತ್ಯ ಲೋಕದ ಈ ದೈತ್ಯ...!!! ಒ೦ದು ಮುಳ್ಳಿನ ಇರಿತಕ್ಕೆ ಇಡಿ ಜಗತ್ತಿನ ಜನ್ಮ ಜಾಲಾಡುವ ನಮ್ಮೆಲ್ಲರ ನಡುವೆ, ಒಡಲಲ್ಲಿ ಅಷ್ಟೆಲ್ಲಾ ನೋವುಗಳನ್ನಿಟ್ಟುಕೊ೦ಡು ಬರಿ ಖುಷಿಯನ್ನೇ ಹ೦ಚಿದ ಮಹಾನುಭಾವನ ಮುಖದ ಮೇಲಿನ ಮುಗುಳ್ನಗೆಗೆ ಬೆಲೆ ಕಟ್ಟುವುದು ನಮ್ಮಿ೦ದಾಗದ ಮಾತು.. ಬಾಲ್ಯದ ಹೊಸ್ತಿಲಲ್ಲೇ ಪರಿಚಯವಾಗುವ ಕೆಲವೇ ಕೆಲವು ಮಹಾವ್ಯಕ್ತಿಗಳಲ್ಲಿ ಮೈಕಲ್ ಗೆ ಪ್ರಮುಖ ಪ೦ಕ್ತಿ. ಮಗುವಿನ ನಡೆಯಲ್ಲಿ ನೃತ್ಯ ಕ೦ಡೊಡನೆ ಮೊದಲು ಹೋಲಿಸುವುದೇ ಚ೦ದ್ರ ನಡೆಯ ಈ ಸರದಾರನಿಗೆ... ವೈಯಕ್ತಿಕ ಜೀವನದಲ್ಲಿ ಎಷ್ಟೇ ನೊ೦ದು ಬವಣೆ ಅನುಭವಿಸಿದ್ದರೂ, ತನ್ನ ಕಲೆಯ ಕೈ ಬಿಟ್ಟಿರಲಿಲ್ಲ ಮೈಕಲ್ . ಆ೦ಗ್ಲ ಭಾಷೆಯ ಗೀತೆಗಳನ್ನು ಆಲಿಸಿ ರೂಢಿ ಇಲ್ಲದ ನನ್ನಲ್ಲೂ ಮೈಕಲ್ ನ ಕಲಾ ವ್ಯಕ್ತಿತ್ವ ಒ೦ದು ಹೊಸ ಬಗೆಯಲ್ಲಿ ಹೃದಯದ ಎಲೆಯ ಮೇಲಣ ತು೦ತುರು ಹನಿಗಳ೦ತೆ ಕುಳಿತುಕೊ೦ಡಿರುವುದು ನನಗೆ ಬೆರಗನ್ನು೦ಟು ಮಾಡುವ ಸತ್ಯ...!!!
ಕಲೆಗಾಗಿಯೇ ಬದುಕಿ ಮನುಕುಲಕ್ಕೆ ಹಲವು ಉಪಕಾರಗಳನ್ನು ಮಾಡಿ ಪ೦ಚಭೂತಗಳಲ್ಲಿ ಒ೦ದಾಗಿ ಹೋದ ಆ ನಾಟ್ಯ ಚತುರನ ಬಗ್ಗೆ ನಮ್ಮ ಯೋಗ್ಯತೆಗೆ ತಕ್ಕ೦ತೆ ಒ೦ದೆರಡು ಒಳ್ಳೆಯ ಮಾತುಗಳನ್ನಾಡಿ ವಿದಾಯ ಹೇಳೋಣ...
ಗುಡ್ ಬೈ ಮೈಕಲ್...!!!
